2022թ. նոյեմբերի 18-ին «Բնապահպանական ծրագրերի իրականացման գրասենյակ» պետական հիմնարկի կողմից Աբովյան քաղաքի «Սմարթ» նորարար կրթության և մշակույթի զարգացման հիմնադրամում ստեղծված էկոակումբում տեղի ունեցավ առաջին ճանաչողական դասընթացը, որի շրջանակներում ակումբի անդամները ծանոթացան էկոակումբի գաղափարին, դրա շրջանակներում իրականացվող միջոցառումներին:

«Բնապահպանական ծրագրերի իրականացման գրասենյակ» պետական հիմնարկի կողմից իրականացվող «Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ՄԱԶԾ/ԿԿՀ ծրագրի «Շենքերի ոլորտում ՉՀՀ (չափողականության, հաշվետվայնության ու հավաստագրման) համակարգի ստեղծում և գիտելիքների կառավարում» բաղադրիչի շրջանակներում մշակվել է տեղեկատվական նյութ այն մասին, թե ինչ է իրենից ներկայացնում էներգետիկ կառավարման տեղեկատվական համակարգը (ԷԿՏՀ), ինչու է այն կարևոր շենքերի ոլորտում ՉՀՀ համակարգի և Հայաստանի էներգետիկ ոլորտի զարգացման համար։

2022թ. նոյեմբերի 8-10-ը «Բնապահպանական ծրագրերի իրականացման գրասենյակ» պետական հիմնարկի ՄԱԿ-ի պարենի և գյուղատնտեսության կազմակերպության հետ համատեղ իրականացվող «Հայաստանում անտառների դիմակայության բարձրացում՝ մեղմացման միջոցառումների շնորհիվ հարմարեցման և գյուղական վայրերում կանաչ տարածությունների ընդլայնման միջոցով» ծրագրի շրջանակներում «ԲԾԻԳ» ՊՀ-ի կողմից կազմակերպվեց բարձրորակ անտառային բույսերի և տնկիների վերաբերյալ դասընթաց` «Հայանտառ» ՊՈԱԿ-ի աշխատակիցների կարողությունների հզորացման նպատակով։