Բնապահապանական ծրագրերի իրականացման գրասենյակն ընդունում է ծրագրային հայեցակարգեր

ՀՀ շրջակա միջավայրի նախարարության «Բնապահապանական ծրագրերի իրականացման գրասենյակ» պետական հիմնարկը նախաձեռնել է բնապահպանական ոլորտի դրամաշնորհային ձևաչափի ծրագրային հայեցակարգերի հավաքագրման գործընթաց։

Ներկայացվող ծրագրային հայեցակարգերը պետք է առնչվեն հետևյալ ոլորտներին.

  • Առողջապահական, պարենային և ջրային անվտանգություն
  • Մարդկանց և համայնքների ապրուստի միջոցներ
  • Ենթակառուցվածքներ և մարդածին շրջակա միջավայր
  • Էկոհամակարգեր և էկոհամակարգային ծառայություններ
  • Էներգիայի գեներացում և հասանելիություն
  • Տրանսպորտ
  • Շենքեր, քաղաքներ, արդյունաբերական ձեռնարկություններ և տեխնիկա
  • Անտառներ և հողօգտագործում

Ներկայացվող հայեցակարգերին առաջադրվող նվազագույն պահանջներն են՝

  • Ծրագրի անվանում
  • Ծրագրի տևողություն
  • Ծրագրի արժեք
  • Պետական և/կամ մասնավոր հատվածի ներգրավվածություն
  • Ծրագրի հիմնավորում, նպատակներ և մոտեցում (առավելագույնը 100 բառ)
  • Ծրագրի համատեքստ և ելակետային տվյալներ (առավելագույնը 2 էջ)
  • Ծրագրի նկարագրություն (առավելագույնը 3 էջ)
  • Ակնկալվող արդյունքներ (առավելագույնը 3 էջ)
  • Շահառուների ներգրավվածություն (առավելագույնը 3 էջ)
  • Ծրագրի կայունություն և վերարտադրելիություն (առավելագույնը 1 էջ)

Հայեցակարգերի ուսումնասիրության փուլում նախապատվությունը կտրվի այն ծրագրային նախագծերին, որոնք

  • Ունեն մեղմման, հարմարվողականության ներուժ,
  • Կարող են նպաստել գլոբալ ցածր ածխածնային զարգացման գործընթացներին,
  • Ունեն կայուն զարգացման ներուժ զուգորդված բնապահպանական, սոցիալական, տնտեսական, գենդերային օգուտներով,
  • Նախատեսված են խոցելի և ֆինանսական կարիքներ ունեցող համայնքների համար։

Ծրագրային հայտերը կարող եք ուղարկել donorcop@epiu.am էլ․ հասցեին։

Հարցերի դեպքում կարող եք զանգահարել (+37410) 651-631 հեռախոսահամարով յուրաքանչյուր աշխատանքային օր՝ 09։00-18։00։