Ընթացիկ ծրագրեր

Կանաչ Կլիմայի Հիմնադրամի /ԿԿՀ/ խորհուրդը 2020 թվականի օգոստոսի 18-21 գումարում է քսանվեցերորդ խորհրդի նիստը, առաջին անգամ վիրտուալ հարթակում։ ԿԿՀ-ի խորհրդի նիստի քննարկմանն են ներկայացվել 15 ծրագրային, ինչպես նաև 3 հավատարմագրման հայտ։ Այսօր՝ օգոստոսի 19-ին, ԿԿՀ-ի խորհրդի կողմից քննարկվել ապա հաստատվել է «Հայաստանի անտառների կայունություն, հարմարվողականության և գյուղական զարգացման բարելավում մեղմման միջոցով» դրամաշնորհային ծրագիրը։ Տվյալ ծրագրում ԿԿՀ-ի Ֆինանսավորումը կազմելու է տասը միլիոն ԱՄՆ դոլար։ Ծրագիրը միտված է ՀՀ տարածքում ջերմոցային գազերի արտանետումների կրճատմանը, անտառների կայունության բարելավմանը, ինչպես հանև հարմարվողականության բարձրացմանը։ Ծրագիրն իրականացվելու է ՀՀ Շրջակա միջավայրի նախարարության «Բնապահպանական Ծրագրերի Իրականացման Գրասենյակ» ՊՀ-ի և Պարենի և գյուղատնտեսության կազմակերպության կողմից։

Ծրագրի վերաբերյալ առավել մանրամասն տեղեկատվությունը հասանելի է հետևյալ հղմամբ՝ https://www.greenclimate.fund/project/sap014#impact

Հարմարվողականության հիմնադրամի խորհուրդը հաստատեց «Ապագա առաջնորդների ներգրավում, երիտասարդների համար հարմարվողականության հիմնախնդիրների և լավագույն փորձի վերաբերյալ թվային կրթական մոդուլի ստեղծում» դրամաշնորհային ծրագիրը

Խորհրդի կողմից հաստատված նոր դրամաշնորհային նախագծերը ներառում են առաջին երկու նորարարական դրամաշնորհներ Հայաստանի (Ազգային իրականացնող մարմին՝ «ԲԾԻԳ» ՊՀ) և Չիլիի (Ազգային իրականացնող մարմին՝ AGCID), ինչպես նաև  մեկ աճողական դրամաշնորհային ծրագիր Ռուանդայի (երկրի Ազգային իրականացնող մարմնի՝ Շրջակա միջավայրի նախարարություն)՝ համար:

Հայաստանի դրամաշնորհը (230.000 դոլար) միտված է ապագա առաջնորդների ներգրավմանը, երիտասարդների համար հարմարվողականության հիմնախնդիրների և լավագույն փորձի վերաբերյալ թվային կրթական մոդուլի ստեղծմանը:

Հարմարվողականության հիմնադրամի քարտուղարության նամակը՝ կապված «Ապագա առաջնորդների ներգրավում, երիտասարդների համար հարմարվողականության հիմնախնդիրների և լավագույն փորձի վերաբերյալ թվային կրթական մոդուլի ստեղծում» դրամաշնորհային ծրագրի հաստատման վերաբերյալ:

Նյութի վերաբերյալ մանրամասն տեղեկատվությունը հետևյալ հղմամբ՝

https://www.adaptation-fund.org/adaptation-fund-board-approves-us-63-million-in-new-projects-including-first-innovation-and-scale-up-grants/