Մեր թիմը

Մերուժան Գալստյան

Մերուժան Գալստյան

Տնօրեն

Մերուժան Գալստյանը տնտեսագետ է: Գործարար կառավարման մագիստրոսի կոչումը (MBA) ստացել է ԱՄՆ-ում՝ ֆինանսների մասնագիտացմամբ: Աշխատանքային փորձառությունը ներառում է տնտեսության ամենատարբեր ճյուղերը՝ արդյունաբերություն, բանկային համակարգ, խորհրդատվական բիզնես, առողջապահություն: Ունի նաև Հայաստանի առաջատար բուհերում դասախոսական աշխատանքի հարուստ փորձ: Մի շարք հոդվածների և մենագրությունների հեղինակ է:

Սամվել Բալոյան

Սամվել Բալոյան

Փոխտնօրեն

Սամվել Բալոյանը կենսաբանական գիտությունների դոկտոր է: Ավելի քան 55 գիտական հոդվածների և 3 մենագրության հեղինակ է: Ունի գիտական և կառավարչական աշխատանքի մեծ փորձ: 1995-2000թթ. հանդիսացել է ՀՀ բնապահպանության նախարարի տեղակալը: 2009-2011թթ հանդիսացել է Բնապահպանական ծրագրերի կենտրոն ՊՈԱԿ-ի, 2011-ից առ այսօր ԲՊԾԻԳ ՊՀ տնօրենի տեղակալ: Ունի միջազգային կազմակերպությունների հետ աշխատանքի մեծ փորձ:

Ռուբիկ Շահազիզյան

Ռուբիկ Շահազիզյան

Էկոկրթական ծրագրերի բաժնի պետ

Ռուբիկ Շահազիզյանը գիտնական-գյուղատնտես է, կենսաբանական գիտությունների թեկնածու: Ավելի քան 50 գիտական հոդվածների հեղինակ է: Մինչև 2006թ. տարբեր պաշտոններ է զբաղեցրել Բուսաբանության ինստիտուտում և ՀՀ գյուղատնտեսության նախարարությունում: 2006 թվականից միացել է մեր թիմին՝ տարբեր պաշտոններում զբաղվելով ամենաբազմազան բնապահպանական խնդիրներով: Զուգահեռաբար որպես փորձագետ աշխատել է այլ միջազգային ծրագրերում:

Էդիկ Ոսկանյան

Էդիկ Ոսկանյան

Դոնորների օժանդակությամբ իրականացվող ծրագրերի բաժնի պետ

Մինչև Բնական պաշարների կառավարման և չքավորության նվազեցման ծրագրերի իրականացման գրասենյակ Պետական հիմնարկին միանալը Էդիկ Ոսկանյանը պատասխանատու պաշտոններ է զբաղեցրել մի շարք հիմնարկներում և պետական մարմիններում, համագործակցել է միջազգային կազմակերպությունների հետ: 2011-ից՝ ԲԾԻԳ-ի Դոնորների օժանդակությամբ իրականացվող ծրագրերի բաժնի պետ:

Խաչատուր Մելիքյան

Խաչատուր Մելիքյան

Գործերի կառավարման և գնումների բաժնի պետ

Խաչատուր Մելիքյանը ինժեներ է: Երկար տարիներ աշխատել է Հայաստանի անտառային տնտեսության ոլորտում և ՀՀ Բնապահպանության ոլորտում՝ զբաղեցնելով տարբեր պաշտոններ: 2011թ.-ից առ այսօր՝ ՀՀ բնապահպանության նախարարության ԲԾԻԳ ՊՀ-ի Գործերի կառավարման և գնումների բաժնի պետն է:

Մայիս Թովմասյան

Մայիս Թովմասյան

Բյուջետային ծրագրերի իրականացման բաժնի պետ

Մայիս Թովմասյանը ավարտել է Երևանի պետական բժշկական համալսարանի Բուժական ֆակուլտետը: Ավարտելուց հետո զբաղվել է ձեռներեցությամբ Հայաստանում և արտերկրում: 2016թ-ից զբաղեցնում է Բնապահպանության նախարարության ԲԾԻԳ ՊՀ-ի «Բյուջետային ծրագրերի իրականացման բաժնի» պետի պաշտոնը:

Անահիտ Մկրտչյան

Անահիտ Մկրտչյան

Գլխավոր հաշվապահ

Անահիտ Մկրտչյանը հաշվապահ-տնտեսագետ է: Ունի հարուստ աշխատանքային փորձ պետական և մասնավոր ոլորտներում՝ որպես հաշվապահ և գլխավոր հաշվապահ: 2017թ-ից զբաղեցնում է ԲԾԻԳ-ի գլխավոր հաշվապահի պաշտոնը: